انا عامل الموضوع دا مخصوص عشان اثقفكوا شوية
عشان ماحدش يضحك عليكوا
طبعا الكل فاكر ان هناك برج مائل واحد ف العالم
وهو بيزا المائل العريق فى ايطاليا
اهوا انا جايلكوا عشان الموضوع دا بالتحديد
يعنى لو حد سألك فى كام برج مائل ف العام....؟؟
ماتردش زى العبيط كدا ...
وتقوله برج واحد (برج بيزا فى ايطاليا)
لا خلاص الكلام دا كان زمان
العلماء اكتشفوا اكتشاف خطير
بعد تنقيب وبحث وحفر وردم وتنقيب
اكتشفوا ان فى برج مائل فى مصر
طبعا ماحدش مصدقنى
وعشان كدا جبتلكوا صورته معايا
العلماء اكتشفوا برج عزيزة المائل
ويقال انه يرجع تاريخه للاسره المالكة بحارة السقايين
اتفرجوا .....عشان تبقوا مثقفين
 | اضغط هنا لمشاهدة الصوره بحجمها الطبيعي |
هوا ده برج عزيزة المائل الموجود عندنا فى مصر
شايفين ياجماعه جمال المنظر
جمال ف التصميم
تحفه معمارية نادرة
اقول ايه ولا ايه بس.....
بس تخيلوا بقى ياجماعه
الناس اللى جوا البرج الفظييييييع ده
حالهم عامل ازاى
تلاقيهم معلقين حبال جوا الشقق عشان مايتزحلقوش
اصلهم بالطريقه دى هايفضلوا راكنين شمال على طول
وطبعا العفش ياجماعه
مخروم له فى الارض ومتثبت كويس بالجبس والاسمنت
عشان مايتحركش
انتوا هاتنسونى انا جيت هنا ليه.......؟؟
يبقى لما يجى حد ويسألكوا فى كام برج مائل فى العالم
ترد وتقوله ايه؟؟؟
ترد عليه طبعا وبكل جرأة
وتقوله اتنين برج بيزا المائل فى ايطاليا
وبرج عزيزه المائل الموجود عندنا فى مصر
كدا ماحدش يقدر يضحك عليك
مش كداااااااااااا......ولا اييييييييييييييييه
الخميس أغسطس 12, 2010 9:06 am